Er nú ekki tímabært að Þingflokkur Framskóknarflokksins lýsi vantrausti á forsætisráðherra?

Stundum upplifum við það í umferðinni að það sé eins og sumir öku- eða hjólreiðamenn telji að umferðarreglur og lög gildi einungis fyrir aðra en þá. Því miður er ég að upplifa Sigmund Davíð Gunnlaugsson í áþekkri stöðu. Þegar við tökum að okkur ákveðið hlutverk, verðum við að hlýða þeim reglum sem um þau gilda. Forustumenn þjóðarinnar verða vera hluti sinnar þjóðar, og deila með henni í sínu lífi og starfi. Ég hafði að vísu samúð með Sigmundi Davíð þegar Jóhannes Kr. leiddi hann lymskulega í gildru. En sannleikurinn er alltaf sagna bestur, jafnvel þó hann geti verið býsna erfiður þegar við höfum misstigið okkur á einhvern hátt. En það er heiðarleiki og sannsögli sem þarf að vera staðfesta manna sem taka að sér leiðtogahlutverk þjóðar. Ef Sigmundur Davíð hefði játað á sig mistök og beðist afsökunar af einlægni, væri hann ekki í þeirri stöðu sem hann er í nú. Hann hefur gert marga góða hluti sem hann á sannarlega skilið þakklæti fyrir, en nú er komið að leiðarlokum. Ég tel að Þingflokkur Framsóknarflokksins geti ekki dregið lengur að lýsa yfir vantrausti á forsætisráðherra, sem virðist alls ekki skilja stöðuna.

 

Veitti ekki heimild til þingrofs